काठमाडौं । भोलि आइतवार तीन कम्पनीको साधारण सभा हुने भएको छ । सानिमा माइ हाइड्रोपावर, स्पर्स लघुवित्त र कृषि विकास बैंकको साधारण सभा हुने लागेको हो । सानिमा माई हाइड्रोपावरले पुस २७ गते (आइतवार) साधारण सभा गर्दैछ ।
सभाले शेयरधनीका लागि १० प्रतिशत बोनस शेयर र शून्य दशमलव ५३ प्रतिशत नगद लाभांश (कर प्रयोजनको लागि) वितरण गर्ने प्रस्ताव पारित गर्नेछ ।
पुस ६ गतेसम्म कायम शेयरधनीले लाभांश पाउनेछन् । स्पर्स लघुवित्त वित्तीय संस्थाले पुस २७ गते होटल बाराही लेकसाइडमा साधारण सभा गर्ने भएको छ ।
उक्त सभाले १३ प्रतिशत बोनस शेयर वितरण गर्ने प्रस्ताव पारीत गर्ने छ । पुस ९ गतेसम्म शेयर कायम हुने शेयरधनीले लाभांश पाउनेछन । त्यसैगरी कृषि विकास बैंकले आइतवार बैंकको केन्द्रिय तालिम प्रतिष्ठान बोडे भक्तपुरमा साधारण सभा आयोजना गरेको छ ।
उक्त सभाले शेयरधनीलाई ६ प्रतिशत बोनस शेयर र २४ प्रतिशत नगद लाभांश वितरण गर्ने प्रस्ताव पारित गर्नेछ । पुस १० गतेसम्मका कायम शेयरधनीले लाभांश पाउनेछन् ।
२०७६ पुस २६ गते प्रकाशित
वि.सं.२०७६ पुस २६ शनिवार १५:२३ मा प्रकाशित
