काठमाडौं । नेपाली बजारमा सुनको मूल्य बढेको छ । नेपाल सुन चाँदी व्यावसायी महासंघका अनुसार माघ महीनाको पहिलो दिन बुधवार सुनको मूल्य प्रतितोला अघिल्लो दिनको तुलनामा रू.७०० ले बढेको हो ।
बुधवार छापावाला सुनको मूल्य प्रतितोला रू. ७४ हजार ७०० मा कारोवार भइरहेको महासंघले बताएको छ ।यस अघि मंगलवार छापावाला सुनको मूल्य प्रतितोला रू.७४ हजारमा कारोबार भएको थियो ।
बुधवार तेजावी सुनको मूल्य रू.७४ हजार ४०० कारोबार भइरहेको छ भने चाँदीको मूल्य प्रतितोला रू.८८५मा कारोबार भइरहेको छ ।
२०७६ माघ ०१ गते प्रकाशित
वि.सं.२०७६ माघ १ बुधवार ११:३३ मा प्रकाशित
