काठमाडौं । नेपाल राष्ट्र बैंकले यही माघ ६ गते २० करोड रुपैयाँको ट्रेजरी बिलको बोलकबोल गर्ने भएको छ । बैंकको सार्वजनिक ऋण व्यवस्थापन विभागले २० करोडको ट्रेजरी बिक्री गर्नलागेको हो ।
उक्त ट्रेजरी ९१ दिने अवधिको रहेको छ । बिल बोलकबोल भएको भोलिपल्ट अर्थात् ७ गते जारी हुनेछ । यसअघि पुस २८ मा पनि राष्ट्र बैंकले ९१ दिन अवधिको ८ अर्ब र एक वर्ष अवधिको ६ अर्बको ट्रेजरी जारी गरेको थियो । जारी हुनलागेको ट्रेजरी बैंक तथा वित्तीय संस्थाले खरिद गर्न पाउने राष्ट्र बैंकले जनाएको छ ।
यसका लागि अनलाइन बिडिङ सिस्टमबाट आवेदन दिनुपर्नेछ भने छुट आम्दानीमा कर लाग्नेछ। कुल ट्रेजरी रकममध्ये १५ प्रतिशत रकम अप्रतिस्पर्धी आवेदकलाई छुट्याइएको पनि राष्ट्र बैंकले जनाएको छ ।
२०७६ माघ ०५ गते प्रकाशित
वि.सं.२०७६ माघ ५ आइतवार ११:२६ मा प्रकाशित
