हेटौंडा । बागमती प्रदेश सरकारका प्रवक्ता एवं आर्थिक मामिला तथा योजना मन्त्री कैलाश प्रसाद ढुङ्गेलले बाग्मती प्रदेश सरकार विस्तार भएको भन्ने खबरको खण्डन गर्नुभएको छ ।
विभिन्न सञ्चारमाध्यमहरुमा प्रदेश सरकार विस्तार भएको तथा विभिन्न मन्त्रालयमा नयाँ मन्त्री नियुक्त भएको भन्ने खबर प्रकाशित र प्रसारित भएपछि मन्त्री ढुङ्गेलले उक्त खबरको खण्डन गर्नु भएको हो ।
“आजको मितिसम्म बाग्मती सरकारको मन्त्री मण्डलमा विस्तार गर्ने वा हुने बिषयमा कुनैपनि निर्णय भएको छैन” प्रवक्ता ढुङ्गेलले रासससंग भन्नुभयो । भोली के हुन्छ अलग कुरा हो तर, आजका मिति सम्म त्यस्तो कुनै निर्णय भएको छैन उहाँले भन्नुभयो ।
प्रदेश सरकार विस्तार भएको भन्ने समाचार शतप्रतिशत गलत रहेको र यस सम्बन्धमा विभिन्न सञ्चार माध्यमहरुमा आएको समाचार झुठो भएकोले हल्लाको पछि नलाग्न अनुरोध गर्दछु अनुरोध गर्दछु उहाँले भन्नुभयो ।
सरकारले मन्त्रीमण्डल पुनर्गठन, थपघट वा बिस्तार को सन्धर्भमा कुनै पनि परामर्श वा छलफल गरिएको भन्ने खबर पूर्णरुपमा गलत छ ।
२०७६ माघ १० गते प्रकाशित
वि.सं.२०७६ माघ १० शुक्रवार ११:३९ मा प्रकाशित
