काठमाडौं । भोलि सार्वजनिक विदा दिएको छ । एक सूचना निकाल्दै भोलि आइतवार अर्थात माघ १२ गते काभ्रेको रोशी गाउँपालिकाले विदा दिएको हो ।
गाउपालिकाले यस अघि नै सोनाम ल्होछारका अवसरमा तीन दिन (माघ १०, ११ र १२ गते) सार्वजनिक विदा दिने निर्णय गरेको थियो ।
संविधानतः सबै धर्म समुदायको समान अधिकार अनुरुप सबै पर्वमा सार्वजनिक विदा दिँदै आएको गाउँपालिका अध्यक्ष दलबहादुर लामाले बताएका छन् ।
‘सबै पर्वलाई उल्लासमय बनाउन राष्ट्रिय एवम् स्थानीय सबै पर्वमा सम्मानजनक ढङ्गले गाउँपालिकामा सार्वजनिक विदा दिने गरिएको छ’ उनले भने ।
उनका अनुसार ल्होछारका अवसरमा गाउँपालिकाका विभिन्न स्थानमा विभिन्न साङ्गीतिक कार्यक्रमको आयोजना गरिएको छ ।
२०७६ माघ १० गते प्रकाशित
वि.सं.२०७६ माघ ११ शनिवार ०४:४८ मा प्रकाशित
