काठमाडौं । साताको अन्तिम कारोबारको दिन बिहीवार नेप्से कारोबार भएको पहिलो घण्टामा ११ दशमलव ५२ अंकले बढेर १ हजार ३१७ दशमलव ३९ विन्दुमा पुगेको छ ।
१ हजार ३०६ दशमलव २९ विन्दुबाट शुरु भएको परिसूचक कारोबारकोे यस अवधिमा शून्य दशमलव ८८ प्रतिशत बढेको हो ।
यस अवधिसम्म कारोबारमा आएका १२ समूहको परिसूचकमध्ये ३ समूहको परिसूचक घटेको छ भने बाँकी ९ समूहको परिसूचक बढेको छ । पहिलो घण्टाको कारोबारमा १४८ ओटा कम्पनीको रू. ३० करोड २५ लाख बराबरको शेयर कारोबार भएको छ ।
यस अवधिमा सूर्या लाइफ इन्स्योरेन्सको सर्वाधिक कारोबार भएको छ । उक्त कम्पनीको रू. ३ करोड ८५ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ४५८ मा कारोबार भइरहेको छ ।
कारोबार रकमकै आधारमा दोस्रोमा एभरेष्ट इन्स्योरेन्सको रू. १ करोड ७९ लाख बराबरको शेयर कारोबार भएको छ । सो समयमा कम्पनीको शेयर मूल्य रू. ४०५ रहेको छ ।
२०७६ माघ १६ गते प्रकाशित
वि.सं.२०७६ माघ १६ बिहीवार ११:५७ मा प्रकाशित
