काठमाडौं । मंगलवार नेप्से कारोबार अवधिभर १७ दशमलव ११ अंकले बढेर १ हजार ३४१ दशमलव ३८ विन्दुमा पुगेको छ ।
बढेर बन्द भएको बजारमा दुई कम्पनीको शेयरमूल्यमा सकारात्मक सर्किट लागेको छ । कालिका पावर कम्पनी र नेपाल सेवा लघुवित्तको शेयरमूल्य सर्वा्धिक बढेर सकारात्मक सर्किट लागेको हो ।
१ हजार ३२४ दशमलव ३१ विन्दुबाट शुरु भएको परिसूचक कारोबारकोे पहिलो घण्टामा बढेर १ हजार ३४२ दशमलव ३७ विन्दुसम्म पुगेको थियो ।
सो पश्चात सामान्य अंकले ओरालो लागेको परिसूचक अन्त्यमा बढेर बन्द भएको हो । गत कारोबार दिनको तुलनामा यस दिन परिसूचक १ दशमलव २९ प्रतिशत बढेको हो ।
यस दिन कारोबारमा आएका १२ समूहको परिसूचकमध्ये व्यापार समूहको परिसूचक बाहेक बाँकी सबै समूहको परिसूचक बढेको छ ।
कारोबार अवधिभर १७५ ओटा कम्पनीको रू. १ अर्ब ५३ करोड २२ लाख बराबरको शेयर कारोबार भएको छ ।मंगलवारको कारोबारमा शिवम् सिमेन्टको सर्वाधिक शेयर कारोबार भएको छ ।
कम्पनीको रू. १५ करोड २ लाख बराबरको शेयर कारोबार भएको छ । कम्पनीको अन्तिम शेयरमूल्य रू. ५६० रहेको छ । यस्तै कारोबार रकमकै आधारमा दोस्रोमा एनआईसी एशिया बैंकको रू. ११ करोड २३ लाख बराबरको शेयर कारोबार भएको छ ।
कारोबार अवधिभर दुई कम्पनीको शेयरमूल्यमा सकारात्मक सर्किट लागेको छ । कालिका पावर कम्पनी र नेपाल सेवा लघुवित्तको शेयरमूल्य सर्वा्धिक बढेर सकारात्मक सर्किट लागेको हो ।
यस्तै युनियन हाइड्रोपावरको शेयरमूल्य ५ दशमलव शून्य ८ प्रतिशत घटेको छ भने सेन्ट्रल फाइनान्सको शेयरमूल्य ४ दशमलव शून्य ८ प्रतिशत घटेको छ ।
वि.सं.२०७६ माघ २८ मंगलवार १६:१३ मा प्रकाशित