काठमाडौं । प्रधानमन्त्री केपी शर्मा ओलीले नेपालले अन्तर्राष्ट्रिय क्षेत्रमा आफूनो भूमिका, पहिचान, प्रभाव र परिचय विस्तार गरेको बताउनुभएको छ ।
शनिबार संसदको प्रतिनिधिसभामा सरकारको काम कारबाहीबारे जानकारी दिँदै उहाँले,‘ हामीले अन्तराष्ट्रिय क्षेत्रमा आफ्नो भूमिका, पहिचान, प्रभाव र परिचय विस्तार गरेका छौँ । अहिले हाम्रो अन्तराष्ट्रिय सम्बन्ध १६८ देशसँग विस्तार भएको छ ।’
नेपालसँग सम्बन्ध विस्तार र सुदृण गर्न अन्तराष्ट्रिय जगतको अभिरुचि पनि बढेको प्रधानमन्त्री ओलीको भनाइ छ ।‘मैले भनिरहनु पर्ला जस्तो लाग्दैन नेपालसँग सम्बन्ध विस्तार र सुदृण गर्न अन्तराष्ट्रिय जगतको अभिरुचि पनि बढेको छ ।
मैले बेलायत र फ्रान्सको भ्रमण दुई दशकपछि प्रधानमन्त्रीको हैसियतका गरेको हुँ । १७ वर्षपछि परराष्ट्रमन्त्रीको अमेरिका र १४ वर्षपछि रुस भ्रमण भएको छ । चीनका राष्ट्रपतिको २३ वर्षपछि नेपाल भ्रमण सम्पन्न भएको छ । भारतका प्रधानमन्त्रीको एउटै कार्यकालमा ४ पटक भ्रमण भएको छ ।’
नेपालले सम्बन्ध विस्तारलाई पनि अगाडि बढाएको उहाँले बताउनुभयो । ‘यस्ता कुराहरुले हाम्रो सम्बन्ध विस्तारलाई अगाडि बढाएको छ । पहिले हामी अन्तर्राष्ट्रिय मञ्चहरुमध्ये एशिया सोसाइटीमा मात्रै सिमित देखिन्थ्यो ।
अहिले एशिया सोसाइटीका अतिरिक्त डाबसो, अक्सबोर्ड युनिभर्सिटी, राष्ट्रसंघीय शान्ति विद्यालयजस्ता विश्व प्रसिद्ध फोरमहरुमा विचार प्रस्तुत गरेका छौँ,’ प्रधानमन्त्री ओलीले भन्नुभयो । ‘अहिले हामी विश्वस्तरको नयाँ फोरम पनि सुरु गर्दै छौँ , सगरमाथा संवाद । जसमा एक वर्षका लागि हामीले कलाइमेन्ट च्यान्ज, माउन्टेन फियुचर आफ होमानिटी भन्ने शीर्षक राखेका छौँ ।’
राष्ट्रले दिएको जिम्मेवारी सरकारले गम्भीरता पूर्वक लिँदै मातृभूमिको रक्षा गर्ने उहाँले बताउनुभयो । ‘सीमा विवादमा राष्ट्र एक ठाउँमा छ ।
राष्ट्रले दिएको जिम्मेवारी सरकारले गम्भीरता पूर्वक लिँदै मातृभूमिको रक्षा गर्छ,’ ओलीले भन्नुभयो, ‘संवादका माध्यबाट सीमा विवाद समाधान गर्न र अतिक्रमित नेपाली भूभाग फिर्ता सरकार दृढता र सक्रियताका साथ लागेको म यस मम्मानि सदनलाई जानकारी गराउन चाहनछु ।’
वि.सं.२०७६ फागुन ३ शनिवार १२:५६ मा प्रकाशित
