काठमाडौं । सिभिल बैंकले नवलपरासी जिल्लाको सुनवलमा आफ्नो १०९औं शाखा संचालनमा ल्याएको छ ।
एक कार्यक्रमकाबीच सिभिल बैंकका संचालक समितिका सदस्य भिमानन्द ढुंगाना तथा सुनवल नगरपालिकाका मेयर भिम बहादुर थापाले संयुक्त रुपमा उक्त शाखाको उद्धघाटन गर्नुभयो ।
सोही अवसरमा बैंकको संस्थागत सामाजिक उत्तरदायित्व कार्यक्रम अन्तर्गत कैलाशेश्वर शिवालय मन्दिरमा संचालित जेष्ठ नागरिक दिवा सेवा कार्यक्रमको सहयोगार्थ एकथान फ्रिज प्रदान गरिएको छ ।
सो फ्रिज सिभिल बैंकका संचालक समितिका सदस्य भिमानन्द ढुंगानाद्वारा श्री कैलाशेश्वर शिवालय तथा १०८ शिवलिङ्ग संरक्षण संस्थाका अध्यक्ष गोपाल प्रसाद आचार्यलाई प्रदान गरिएको थियो ।
बैंकको हालसम्म १४ शाखा तथा नेपालभर कुल शाखा संख्या १०९ पुगेको छ ।
वि.सं.२०७६ फागुन ४ आइतवार १४:३६ मा प्रकाशित