काठमाडौं । एनसेलले ‘रिचार्जमा चमत्कार’ योजनाअन्तर्गत बिहीवार मासिक र साप्ताहिक विजेतालाई नगद पुरस्कार हस्तान्तरण गरेको छ ।
योजनाअन्तर्गत इलामकी गंगामाया राई र रूपन्देहीका टीकाराम बलाल मगरले रू. १०/१० लाख जितेका छन् ।
आफ्नो कस्टमर लोयल्टी कार्यक्रमअन्तर्गत एनसेलले यो योजना मंसिर १ गतेदेखि ३ महीना सञ्चालन गरेको थियो । राई यस योजनाअन्तर्गत दोस्रो महिनाकी विजेता हुन् भने मगरले तेस्रो महिनाका विजेता हुन् । योजनाअन्तर्गत प्रत्येक हप्ता रू. २ लाख नगद र प्रत्येक महीना रू. १० लाख नगद जित्ने मौका एनसेलले दिएको थियो ।
३ जना भाग्यशाली साप्ताहिक विजेताले पनि बिहीवार जनही रू. २ लाख पुरस्कार ग्रहण गरेका छन् । योजनाको ११औं हप्ताअन्तर्गत कैलालीका किरेम चौधरी र सुनसरीकी कृतिशा उराँवले रू. २/२ लाख जितेका छन् भने १२औं हप्ताअन्तर्गत बाराका अरमान देवानले पनि रू. २ लाख जितेका छन् ।
कलाकार जितु नेपाल र सन्ध्या केसीले विजेतालाई पुरस्कारको चेक हस्तान्तरण गर्नुभयो । योजनाअन्तर्गत ६० भाग्यमानी साप्ताहिक विजेता ग्राहकमध्ये ३४ जनाले नगद पुरस्कार ग्रहण गरिसकेका छन् भने बाँकी ग्राहक प्रमाणीकरण प्रक्रियामा रहेको एनसेलले बताएको छ ।
वि.सं.२०७६ फागुन ९ शुक्रवार ०७:३१ मा प्रकाशित
