काठमाडौं । साताको पहिलो दिन आईतबार सेयर बजार ४०.८२ अंकले घटेको छ । बजार घटेर नेप्से परिसूचक १ हजार ५९१ अंकमा झरेको छ ।
बजार घटे पनि ४ अर्ब ८४ करोड ४३ लाख रुपैयाँ बराबरको १ करोड २५ लाख १७ हजार कित्ता सेयर किनबेच भएको छ । आइतबार एनएमबी बैंकको सबैभन्दा बढी कारोबार भएको छ । एनएमबीको प्रतिकित्ता ४९८ रुपैयाँमा २६ करोड ६३ लाख रुपैयाँको सेयर कारोबार भएको छ ।
ग्लोबल आईएमई बैंकको ३१२ रुपैयाँमा २५ करोड २५ लाख र नेपाल लाइफ इन्स्योरेन्स कम्पनीको १ हजार ४०० रुपैयाँमा २४ करोड ६४ लाख रुपैयाँको सेयर किनबेच भएको छ । वित्त बाहेक सबै परिसूचकमा गिरावट आएको छ ।
जीवन बीमाको ४७४, ३२२, उत्पादनमुलकको १६९ र लघुवित्तको ९० अंकले बजार घटेको छ । बजार घटेका बेला मितेरी डेभलपमेन्ट बैंक र मञ्जुश्री फाइनान्स लिमिटेडका लगानीकर्ताले कमाएका छन ।
वि.सं.२०७६ फागुन १८ आइतवार १५:०३ मा प्रकाशित
