काठमाडौं । पुनः अर्थमन्त्रीमा नियुक्त भएका डा. युवराज खतिवडाले पदभार सम्हालेका छन् । बुधबार राष्ट्रपति कार्यालय शीतल निवासमा राष्ट्रपति विद्यादेवी भण्डारीबाट पद तथा गोपनीयताको सपथ लिएलगत्तै डा खतिवडाले सिंहदरबारमा पुगेर पद तथा गोपनियताको सपथ लिएका हुन् ।
उनलाई अर्थमन्त्रालयका अधिकारीहरुले स्वागत गरेका थिए । सरकारले राष्ट्रियसभा सदस्यको रुपमा उनको कार्यकाल सकिएपनि उनलाई पुनः अर्थमन्त्री बनाएको हो ।
संवैधानिक व्यवस्थाअनुसार राष्ट्रियसभा सदस्य नभएपनि ६ महिनासम्म मन्त्री बन्न पाइने प्रावधान छ । खतिवडाले राष्ट्रियसभा सदस्यको कार्यकाल सकिएपछि मंगलबार पदबाट राजीनामा दिएका थिए । यसैबीच खतिवडालाई सूचना तथा सञ्चार मन्त्रालयको समेत जिम्मेवारी दिइएको छ ।
वि.सं.२०७६ फागुन २१ बुधवार १७:५३ मा प्रकाशित