काठमाडौं । आउँदो आइतवारदेखि बुधवारसम्म लगातार ४ दिन सार्वजनिक बिदा हुने भएको छ । होलीको अवसरमा फागुन २५ गतेदेखि २८ गतेसम्म बिदा हुने भएको हो ।
आइतवार २५ गते नारी दिवस परेको छ । उक्त दिन महिलाहरुलाई सार्वजनिक विदा दिइएको छ । यस्तै, २६ गते पहाडी जिल्लामा होली पर्व सार्वजनिक विदा दिइएको छ ।
त्यसैगरि २७ गते तराईमा होली पर्व भएकाले उक्त दिनपनि सार्वजनिक विदा परेको छ । होलीमा प्रदेश नम्बर २ को सरकारले भने लगातार २ दिन नै विदा दिने निर्णय लिएको छ ।
होली पर्वको अवसरमा प्रदेशभर दुई दिन सार्वजनिक विदा दिने निर्णय गरेको जानकारी दिएको छ । अहिलेसम्म केन्द्र सरकारले होली पर्वमा एक दिन (फागुन २६ गते) सार्वजनिक बिदा दिने गरेको छ ।
प्रदेश सरकारले एक दिन थपेर दुई दिन बिदा दिने निर्णय प्रदेश सरकारका प्रवक्ता एवं आन्तरिक मामिला तथा कानुनमन्त्री ज्ञानेन्द्र यादवले जानकारी दिनुभयो ।
१५ दिने मिथिला मध्यमिकी परिक्रमा जनकपुरको अन्तरगृह परिक्रमा समापनसङ्गै यस क्षेत्रमा होली मनाइने परम्परा छ । फागुन २५ गते जनकपुरधाम पुग्ने मिथिला मध्यमा परिक्रमा २६ गते जनकपुरको अन्तरगृह परिक्रमा गरिसकेपछि २७ गते होली मनाइनेछ ।
वि.सं.२०७६ फागुन २३ शुक्रवार १२:१६ मा प्रकाशित