काठमाडौं । नेपालमा एक जनामा कोरोना भाइरसको संक्रमण देखिएको पुष्टि भएको छ । स्वास्थ्य मन्त्री भानुभक्त ढकालले सोमबार पत्रकार सम्मेलन गरी कोरोना संक्रमित व्यक्ति काठमाडौंमा भेटिएको जानकारी दिनुभएको हो ।
फ्रान्सबाट काठमाडौं आएकी एक १९ वर्षीया किशोरीमा कोरोना संक्रमण देखिएको बताइएको हो । किशोरी चैत्र ४ गते कतारको दोहा हुँदै नेपाल आएकी थिइन् । त्यसबेला कोरोनाको कुनै लक्षण नदेखिएपनि उनी होम क्वारेन्टाइनमा बस्दै आएकी थिइन् ।
परीक्षणका क्रममा उनलाई आइतबार साँझ कोरोना संक्रमण देखिएको पुष्टि भएको मन्त्रालयले जनाएको छ । उनको हाल शुक्रराज ट्रपिकल तथा सरुवा रोग अस्पतालमा उपचार भइरहेको छ ।
वि.सं.२०७६ चैत १० सोमवार १३:०७ मा प्रकाशित