काठमाडौं । कोरोनाका कारण अहिललेसम्म सारा विश्वमा २२ हजार २ सय १० जनाको मृत्यु भईसकेको छ । साथै ४ लाख ९४ हजार १०६ जनामा यसको संक्रमण देखा परेको छ ।
कोरोना फैलिनबाट रोक्नको लागि बिभिन्न देशहरुले अनेक उपाय अपनाइरहेका छन् । यसैबीच मिश्रमा एउटा दुखद घटना भएको छ ।मिश्रको राजधानी काहिरामा एक भीषण सडक दुर्घटना भएको छ । दुर्घटनामा परेर १५ मानिसहरुको मृत्यु भएको छ ।
अधिकारीहरु र स्थानीय मिडियाका अनुसार एक ट्रेलर ट्रक अनियन्त्रित भएर फ्रिवेमा रहेका बिभिन्न सवारीसँग ठोक्किँदा १५ जनाको मृत्यु भएको अन्तराष्ट्रिय सञ्चारमाध्यमहरुले जनाएका छन् ।
दुर्घटनामा परेर एक दर्जन भन्दा धेरै मानिसहरु घाइते भएका छन् । कोरोना भाइरसको महामारीका कारण मिश्रमा ‘कर्फ्यू’ लगाइएको छ ।‘कर्फ्यू’ लगाइएको केहि घण्टामै उक्त दुर्घटना भएको हो ।
निर्माण सामाग्रीले भरिएको ट्रकले सडक छेउमा रोकेर राखेका सवारीलाई ठक्कर दिँदा दुर्घटना भएको सञ्चारमाध्यमहरुले बताएका छन् ।
एजेन्सीको सहयोगमा
वि.सं.२०७६ चैत १३ बिहीवार २२:०४ मा प्रकाशित