काठमाडौं । एनआईसी एशिया बैंकले ग्राहक सहायता केन्द्र सञ्चालन गरेको छ । देशव्यापी लकडाउन (बन्दाबन्दी)को परिस्थितिलाई दृष्टिगत गरी बैंकले प्रादेशिक तथा उप–प्रादेशिक तहमा केन्द्र सञ्चालन गरेको बताएको छ ।
ग्राहकलाई परेको विभिन्न समस्या फोनबटै समाधान गर्ने प्रयासस्वरुप ‘ग्राहक सहायता केन्द्र’ सञ्चालन गरेको बैंकको भनाई छ । सहायता केन्द्रबाट ग्राहकले आफ्नो प्रदेशको सम्पर्क व्यक्तिसँग सिधै फोनमा कुराकानी गरेर आप्mनो बैंकिङ समस्या तथा गुनासोको समाधान पाउन सक्ने बैंकले बताएको छ ।
बैंकले प्रदेश १ को बिराटनगर, इटहरी, धरान, दकम र विर्तामोडमा यस्तो केन्द्र सञ्चालनमा ल्याएको छ । यस्तै प्रदेश २ को वीरगञ्ज, चन्द्रनिगाहपुर, हरिऔन, जनकपुर र लहान तथा बागमती प्रदेशको महाराजगञ्ज, कमलादी, न्यूरोड, पुल्चोक, नरायणगढ, बालाजु, भक्तपुर, थानकोट, चाबाहिल र कर्पोरेट कार्यालयमा पनि सहायता केन्द्र सञ्चालन गरेको छ ।
यस्तै गण्डकी प्रदेशको गैडाकोट, बागलुङ, दमौली र पोखरा तथा प्रदेश ५ को भैरहवा, बुटवल, नेपालगञ्ज, देवीनगर, र घोराहीमा पनि केन्द्र सञ्चालन गरेको बैंले बताएको छ ।
त्यसैगरी कर्णाली प्रदेशको सुर्खेत तथा सुदुरपश्चिम प्रदेशको धनगढी, डडेलधुरामा सञ्चालन गरिएको छ । बैंकको सबै प्रादेशिक कार्यालयमा पनि यो सेवा उपलब्ध गराइएको बैंकको भनाई छ ।
वि.सं.२०७६ चैत १७ सोमवार ०७:३४ मा प्रकाशित