काठमाडौं । माछापुच्छ्रे बैंकले कोरोना भाइरसको संक्रमण रोकथाम तथा उपचारका लागि १ करोड ६ लाख रुपैयाँबराबरको सहयोगको घोषणा गरेको छ ।
बैंकले कोरोना रोकथाम तथा उपचार र आवश्यक तयारीका लागि सरकारले खडा गरेको कोरोना भाइरस संक्रमण रोकथाम, नियन्त्रण तथा उपचार कोषलाई ५१ करोड रुपैयाँ उपलब्ध गराउने घोषणा गरेको छ भने सात वटै प्रदेश सरकारलाई ५(५ लाख रुपैयाँ सहयोग गरेको छ ।
बैंकले बिहीबार सातवटै प्रदेश सरकारका मुख्यमन्त्रीलाई ५(५ लाख रुपैयाँको चेक हस्तान्तरण गरे । बैंकले कोरोनाविरुद्ध देशभरका अभियानलाई सघाउन संस्थागत सामाजिक उत्तरदायित्व निर्वाह गर्दै सहयोग गरेको जानकारी दिएको छ ।
यसअघि बैंकले राजधानीको १६ स्थानमा पानी ट्यांकीसहित हात धुने ठाउँको व्यवस्था गरेको थियो । साथै, स्थानीय तहको समन्वयमा बैंकले दैनिक ज्याला मजदुरी गरेर छाक टार्दै आएका अतिविपन्न परिवारलाई खाद्यान्न उपलब्ध गराएको छ । उक्त कार्यमा बैंकले २० लाख रुपैयाँ खर्च भएको जनाएको छ ।
वि.सं.२०७६ चैत २० बिहीवार १५:५४ मा प्रकाशित
