धादिङ । प्रदेश सांसद डा. रामकुमार अधिकारीले स्वास्थ्यकर्मीलाई अत्यावश्यक पर्ने स्वास्थ्य सुरक्षा सामाग्री पर्सनल प्रोटेक्टिभ इक्वीपमेन्ट (पीपीई) एक हजार थान सहयोग गर्नुभएको छ ।
सरकारले संचालन गरेको कोरोना भाईरस उपचार तथा रोकथाम कोषका लागि एक महिनाको तलव जम्मा गर्ने घोषणा गर्नुभएका सांसद अधिकारीले त्यो बाहेक २५ लाख खर्च गरेर एक हजार थान पीपीई वितरण गर्नुभएको हो ।
अधिकारीले धादिङको नीलकण्ठ नगरपालिकाका स्वास्थ्य संस्थाहरुलाई २०, नेत्रावती डब्जोङ गाउँपालिका र ज्वालामुखी गाउँपालिकालाई १०(१० थान पीपीई सहयोग गर्नुभएको छ । यस्तै अन्य पीपीई भने जिल्ला बाहिर अत्यन्त जोखिमका रुपमा रहेका जिल्लाहरुमा सहयोग स्वरुप पठाउनुभएको छ ।
वि.सं.२०७६ चैत २३ आइतवार २०:४६ मा प्रकाशित
