back

कोरोनाले रोकियो पुनर्बिमा कम्पनीको आइपीओ, लकडाउनभर शेयर बाँडफाँड नहुने

काठमाडौं । नेपाल पुनर्बिमा कम्पनी लिमिटेडले निष्कासन गरेको १ करोड ६० लाख कित्ता आइपिओ लकडाउन खुलेपछि मात्र बाँडफाँड गर्ने भएको छ ।

कम्पनीको आइपिओ बिक्री प्रबन्धक आरबिबी मर्चेन्ट बैंकिङ लिमिटेडका प्रमुख कार्यकारी अधिकृत बद्री प्याकुरेलले लकडाउनले गर्दा आइपिओ बाँडफाँड गर्न नसकेको बताए ।

आइपिओ बिक्री गरेको एक साता १४ चैत गते नै बाँडफाँड गर्ने तयारी गरेको भए पनि ११ गतेदेखि लकडाउन भएकाले आइपिओ बाँडफाँड गर्न नसकेको उनले प्रस्ट पारे ।

अनलाइनमार्फत बाँडफाँड गर्न नमिल्ने भएकाले बाँडफाँडमा ढिलाइभएको उनले जनाए । आइपिओ बाँडफाँड गर्दासिआस्बा सदस्य लिएका कम्पनीहरूले स्वीकृत गरेपछि सिडिएसको सप्mटेवयरबाट डाटा निकालेर अर्को प्रोफेसनल कम्प्युटर इन्स्टिच्युसनमा राखेपछि गोलप्रथा गनुपर्ने हुन्छ । ‘बैंकलाई फोन गरेर घरबाट हुने काम गरिरहेको छु,’ उनले भने, ‘अझै तीन–चारवटा  बैंकबाट भरेकाहरूको डाटा भेरिफाई हुन बाँकी छ ।’ कसैले दुईपटक आवेदन दिएका भए रद्द गर्ने र कसैले दुईवटा डिम्याटबाट भरेको भेटिए पनि रद्द गर्नुपर्ने उनको भनाइ छ ।

धितोपत्र बाँडफाँड गर्दा नेपाल लगानीकर्ता, इस्यु म्यानेजर र कम्पनीका प्रतिनिधि, सञ्चारकर्मी, रजिस्टारका प्रतिनिधिउपस्थित हुनुपर्छ ।

सरकारले भिडभाड नगर्न भनेपछि आइपिओ बाँडफाँड गर्न नपाएको प्याकुरेलले बताए । कम्पनीले मात्रै बाँडफाँड गर्दा पारदर्शीसमेत नहुने भएकाले बाँडफाँड सारिएको प्याकुरेलको भनाइ छ। लकडाउनको अवधि लम्बियो भने बाँडफाँड हुने अवधि पनि लम्बिन सक्ने उनले बताए । कम्पनीको आइपिओमा मागभन्दा बढीको आवेदन परेको छ ।

क्यापिटलका अनुसार आइपिओमा ५ अर्ब७५ करोड ४७ लाख ३५ हजार रुपैयाँबराबरको ५ करोड ७५ लाख ४७ हजार ३ सय ५० कित्ताका लागि आवेदन परेको छ । यो मागभन्दा ३.६८ गुणा धेरै आवेदन हो । यसमा ४ लाख ९ हजार ७ सय २२ जनाले आवेदन दिएका छन् ।

यतिवेला लगानीकर्ताको पैसा बैंकमा होल्ड भएको छ । आमलगानीकर्तालाई आइपिओ कहिले बाँडफाँड होला भन्ने चासो रहेको छ । एकातिर रकम बैंकमा लामो समयसम्म होल्ड भएको गुनासोसमेत लगानीकर्ता गर्दै आएका छन् ।

कम्पनीले ४ चैतदेखि ७ गतेसम्म प्रतिकित्ता १ सय रुपैयाँ अंकित मूल्यमा १ करोड ६० लाख कित्ता आइपिओ जारी गरेको थियो । कम्पनीले कुल पुँजी १० अर्बको १६५ ले हुन आउने पुँजी १ अर्ब ६० करोड रुपैयाँबराबरको सेयर निष्कासन गरेको हो, जसमध्ये ७३ हजार ५ सय कित्ता सेयर कर्मचारीलाई र ५५ ले हुन आउने ८ लाख कित्ता सेयर पनि सामूहिक लगानी कोषका लागि बाँडफाँड गरिसकिएको छ ।

 बाँकी १ करोड ५१ लाख २६ हजार ५ सय कित्ता सर्वसाधारणलाई बिक्री खुला गरिएको हो । हाल यस कम्पनीको चुक्ता पुँजी ८ अर्ब ४० करोड रुपैयाँ रहेको छ । आइपिओ बिक्रीपछि पुँजी १० अर्ब रुपैयाँ हुँदैछ । कम्पनीले आइपिओलाई रेटिङ एजेन्सी इक्रा नेपालले औसत अवस्थाभन्दा माथिल्लो आधार जनाउने ‘ग्रेड २’ रेटिङ दिएको थियो ।-नयाँ पत्रिकाबाट

वि.सं.२०७६ चैत २४ सोमवार ०७:५८ मा प्रकाशित

You can share this post!

आज थप दुई कम्पनीले गरे लाभांश घोषणा, कुन बोनस र नगद कति ?

आज थप दुई कम्पनीले गरे लाभांश घोषणा, कुन बोनस र नगद कति ?

वि.सं.२०७९ माघ १५ आइतवार १८:१४

काठमाडौं । आज थप  दुई लघुवित्त कम्पनीहरुले लाभांश घोषणा गरेका...

माया खोला हाइड्रोपावरको आईपीओमा कति जनाको पर्यो आवेदन ?

माया खोला हाइड्रोपावरको आईपीओमा कति जनाको पर्यो आवेदन ?

वि.सं.२०७९ माघ १५ आइतवार १८:०२

काठमाडौं । माया खोला हाइड्रोपावरको आईपीओ ८ लाख ७ हजार...

माछापुच्छ्रे बैंकद्वारा विद्यार्थीहरुलाई न्यानो कपडा र ब्ल्याङ्गकेट वितरण

माछापुच्छ्रे बैंकद्वारा विद्यार्थीहरुलाई न्यानो कपडा र ब्ल्याङ्गकेट वितरण

वि.सं.२०७९ माघ १५ आइतवार १७:५१

काठमाडौं । माछापुच्छ्रे बैंकले आफ्नो संस्थागत सामाजिक उत्तरदायित्व अन्तर्गत प्रदेश...

नेपालगन्जमा वेष्टर्न ट्राभल मार्ट तथा सेल्स मिशन शुरु, दुवै देशको पर्यटन प्रर्वद्धनमा सहयोगी हुने विश्वास

नेपालगन्जमा वेष्टर्न ट्राभल मार्ट तथा सेल्स मिशन शुरु, दुवै देशको पर्यटन प्रर्वद्धनमा सहयोगी हुने विश्वास

वि.सं.२०७९ माघ १५ आइतवार १७:४५

काठमाडौं । पश्चिम नेपालका महत्वपूर्ण पर्यटकीय गन्तव्यहरुको राष्ट्रिय तथा अन्तर्राष्ट्रिय...

सुन्दरवजार नगरपालिकाद्धारा ६ महिनाको अवधिमा ५० लाख वढी राजश्व संकलन

सुन्दरवजार नगरपालिकाद्धारा ६ महिनाको अवधिमा ५० लाख वढी राजश्व संकलन

वि.सं.२०७९ माघ १५ आइतवार १७:३२

लमजुङ । लमजुङको सुन्दरवजार नगरपालिकाले चालु आर्थिक वर्षको ६ महिनामा...

बैतडी र दार्चुलामा शनिबारदेखि अवरुद्ध फोन र इन्टरनेट सेवा सुचारु

बैतडी र दार्चुलामा शनिबारदेखि अवरुद्ध फोन र इन्टरनेट सेवा सुचारु

वि.सं.२०७९ माघ १५ आइतवार १७:२८

सीपी लोहिया, बैतडी । बैतडीमा एन्टिफाइबर लाइन विस्तार गरिएको तारमाथिबाट...