काठमाडौं । विश्वका २ सय ८ देशमा फैलिइसकेको कोरोना भइरसको संक्रमणले मानिसको ज्यान जाने क्रम बढिरहेको छ । कोरोना भाइरसको महामारी सारा विश्वले नै झेलिरहेको छ ।
विश्वका लागि स्वास्थ्य चुनौती बनेको कोरोना भाइरसका कारण विश्वका अधिकांश मानिस घरिभत्रै बस्न बाध्य छन् । पछिल्लो अपढेट अनुसार भाइरस संक्रमणका कारण ज्यान गुमाउनेको ८१ हजार ९ सय ७७ को पुगेको छ ।
विश्वभरमा १४ लाख २५ हजार ८ सय ३७ जना संक्रमित भएको पुष्टि भइकेको छ । संक्रमित मध्ये ३ लाख १ हजार ८ सय २५ जना उपचारपछि पूर्ण स्वस्थ भई घर फर्किएका छन् ।
उपचारमा रहेका करिब ११ लाखभन्दा बढीको स्वास्थ्य अवस्था खतरामुक्त नभएको विश्व स्वास्थ्य संगठनले जनाएको छ । कोरोना भाइरसबाट सयुक्त राज्य अमेरिका सबैभन्दा बढी संक्रमित भएको छ । अमेरिकामा अहिलेसम्म ३ लाख ९५ हजार ६ सय १७ जना संक्रमित भएका छन् ।
त्यस्तै १२ हजार ७ सय ९५ जनाको संक्रमणबाट ज्यान गएको छ भने २१ अजार ६ सय ७७ जना उपचारपछि पूर्ण स्वस्थ भई घर फर्किएका छन् ।
अहिलेसम्म इटलीमा सबैभन्दा बढीको ज्यान गएको छ । अहिलेसम्म भाइरस संक्रमणबाट मृत्यु हुनेका संख्या १७ हजार १ सय २७ पुगेको छ भने २४ हजार ३ सय ९२ जना उपचारपछि पूर्ण स्वस्थ भई घर फर्किएका छन् ।
उपचारमा रहेका संक्रमित मध्ये ३ हजार ७ सय २७ जनाको अवस्था गम्भीर रहेको जनाइएको छ । चीनमा ८१ हजार ७ सय ४० जनामा संक्रमण देखिएकोमा ७७ हजार १ सय ६७ जना उपचारपछि पूर्ण स्वस्थ भइ घर फर्किएका छन् ।
३३ हजार ३ सय ३१ जनाले ज्यान गुमाएको चीनमा २ सय ११ जना अझै गम्भीर अवस्थामा रहेको जनाइएको छ ।
वि.सं.२०७६ चैत २६ बुधवार ०८:०६ मा प्रकाशित
