काठमाडौं । एनआईसी एशिया बैंकका ग्राहकले नेपालका विभिन्न अनलाइन डेलिभरीका माध्यमबाट यस वर्षको आमाको मुख हेर्ने दिन अर्थात् वैशाख ११ गते (बिहीबार) दिनभर केक वा विभिन्न उपहार सामग्री खरिद गर्दा १० प्रतिशत वा अधिकतम पाँच सय रुपैयाँसम्म नगद फिर्ता पाउने भएका छन् ।
फुडमाण्डु, ग्यापु मार्केट प्लेस तथा यूजी केस्मार्फत उपलब्ध हुने केक तथा उपहारहरू खरिद गर्दा नगद फिर्ता पाउने गरी बैंक र उक्त अनलाईन डेलिभरी गर्ने संस्थाहरूबीच समझदारी भएको जनाइएको छ ।
जसअनुसार बैंकको मोबाइल बैंकिङ तथा डेबिट/क्रेडिट कार्ड प्रयोग गरी उपहार सामग्रीको लागत रकम भुक्तानी गर्दा ग्राहकले उक्त मात्रामा नगद फिर्ता प्राप्त गर्न सक्ने बैंकले जनाएको छ ।
वि.सं.२०७७ वैशाख १० बुधवार १८:३९ मा प्रकाशित
