काठमाडौं । छिमेकी देश भारतमा कोरोना भाइरसबाट संक्रमित हुनेको संख्या २३ हजार नाघेको छ । बिहीबार एकैदिन १६ सय ६९ जना संक्रमित थपिएका छन्। योसँगै भारतमा कोरोना संक्रमितको संख्या २३ हजार ३९ पुगेको छ ।
त्यस्तै भारतमा कोरोनाबाट बिहीबार ४० जनाको मृत्यु भएको छ। योसँगै भारतमा कोरोनामा मृत्यु हुनेको संख्या ७ सय २१ पुगेको छ ।भारतमा सबैभन्दा बढी प्रभावित राज्य महराष्ट्र हो।
महाराष्ट्रमा ५६ सय बढी कोरोना संक्रमित रहेका छन् भने करिब तीन सयको मृत्यु भएको छ ।त्यस्तै गुजरातमा २४ सय बढी संक्रमित रहेका छन् भने सय बढीको मृत्यु भएको छ ।
यता राजधानी दिल्लीमा संक्रमित हुनेको संख्या २२ सय नाघेको छ भने मृतक संख्या ४८ पुगेको छ । त्यस्तै राजस्थान, तमिलनाडु, मध्य प्रदेश र उत्तर प्रदेशमा हजार बढी संक्रमितहरु रहेका छन् ।
वि.सं.२०७७ वैशाख १२ शुक्रवार ०७:३६ मा प्रकाशित