कैलाली । कैलालीस्थित मोहोन्याल गाँउपालिकामा एक महिलामा आरडीटी पोजेटिभ देखिएको छ । महोन्याल गाँउपालिका सावखर्ककी ५ की २६ वर्षीया एक महिलालाई आज आरडीटी परीक्षण गर्दा नतिजा पोजेटिभ देखिएको हो ।
वैशाख ११ गते पोखराबाट १२ जनाको टोली यहाँ आइपुगेको मोहोन्याल गाँउपालिकाका अध्यक्षय नवलसिह रावलले जानकारी दिए । १२ जनाको टोलीलाई आरडीटी टेष्ट गर्दा ती महिलालाई पोजेटिभ देखिएको उनले बताए । मोहोन्याल गाउँपालिकाका स्वास्थ्य संयोजक दिपेन्द्र बुढाले भने, ‘अन्य १२ जनाको रिपोर्ट नेगेटिभ छ ।’
नेगेटिभ आएकालाई क्वारेन्टाईनमा राखिएको भन्दै उनले पोजेटिभ देखिएकी महिलाको स्वाव संकलन गरी धनगढी पठाउने तयारी भइरहेको बताए ।
पिसिआर मेसिनबाट उनको स्वाव परीक्षण गरेपछि मात्र थप पुष्टि हुने उनले बताए । महोन्याल गाँउपालिकामा स्थापना गरिएको क्वारेन्टाईनमा ३९ जना रहेको अध्यक्ष रावलर्ले जानकारी दिए ।
वि.सं.२०७७ वैशाख १२ शुक्रवार १८:३३ मा प्रकाशित