काठमाडौं । सरकारले काठमाडौंका मस्जिदमा रहेकाहरुको कोरोना भाइरस परीक्षण सुरु गरेको छ ।
उदयपुरको मस्जिदमा रहेका मानिसमा कोरोनाको सङ्क्रमण देखिएपछि काठमाडौंका मस्जिदमा रहेका सबैको परीक्षण सुरु गरिएको स्वास्थ्य विभागका महानिर्देशक महेन्द्रप्रसाद श्रेष्ठले जानकारी दिनुभयो ।
उहाँका अनुसार बिहीबारदेखि यहाँका मस्जिदमा रहेका मानिसको परीक्षण पोलिमरेज चेन रियाक्सन (पीसीआर) सुरु गरिएको छ । उहाँका अनुसार बिहीबार ७६ जनामा परीक्षण गरिएको र बाँकीको आज पनि भइरहेको छ । काठमाडौंमा दुई जना सङ्क्रमित रहेको अनुमान गरिएको छ ।
उदयपुरको त्रियुगा नगरपालिकाको भुल्केमा रहेको मस्जिदमा २७ जनामा कोभिड(१९ सङ्क्रमण देखिएको थियो । तिमध्ये तीन जना काठमाडौंमा गएको देखिएको महानिर्देशक श्रेष्ठले जानकारी दिनुभयो ।
वि.सं.२०७७ वैशाख १२ शुक्रवार १९:४० मा प्रकाशित