काठमाडौं । अमेरिकामा कोरोना भाइरसको संक्रमणबाट थप एक नेपालीको मृत्यु भएको छ । अमेरिकाको कोलोराडो राज्यको बोल्डरमा बस्ने लोकेन्द्र कार्कीको मृत्यु भएको बताइएको छ ।
उनको गत शुक्रबार मृत्यु भएको हो । कोरोना भाइरसको सबैभन्दा बढी संक्रमण रहेको अमेरिकामा अहिलेसम्म ५४ हजार २६५ जनाले ज्यान गुमाएका छन् । ९ लाख ६० हजार ८९६ जना संक्रमित छन् ।
७ लाख ८८ हजार विभिन्न अस्पतालमा उपचाररत छन् । उनीहरुमध्ये १५ हजार ११० जनाको अवस्था गम्भीर छ । १ लाख १८ हजारबढी उपचारपछि घर फर्किएका छन् ।
मृतक कार्की लामो समयदेखि बोल्डरमा सपरिवार बस्दै आएका थिए । उनका दुई छोरी र एक छोरा छन् । उनकी श्रीमती केही दिन बिदामा नेपाल आएको र लकडाउनका कारण यतै रोकिएकी छन् ।
वि.सं.२०७७ वैशाख १४ आइतवार ११:०० मा प्रकाशित
