जेनेभा। विश्वव्यापी महामारीको रुपमा फैलिएको कोभिड(१९ का कारण २ लाख १० हजार भन्दा धेरैको मृत्यु भइसकेको छ । मृत्यु हुनेमध्ये ८५ प्रतिशत युरोप र अमेरिकाका छन् ।
मंगलबारसम्मको पछिल्लो तथ्यांक अनुसार विश्वका २ सय भन्दा धेरै देशमा २ लाख १० हजार ९ सय ३० जनाको मृत्यु भएको हो । यस्तै संक्रमितको संख्या ३० लाख २७ हजार ८ सय ५३ पुगिसकेको छ ।
विशेषगरी कोभिड १९ ले युरोप र अमेरिकामा धेरै असर पुर्याएको छ । अमेरिकामा मात्रै ५६ हजार २ सय ५३ जनाको मृत्यु भएको छ । एकै देशमा यो सबैभन्दा धेरै मृत्यु हो ।
यस्तै इटालीमा २६ हजार ९ सय ७७, स्पेनमा २३ हजार ८ सय २२, फ्रान्समा २३ हजार २ सय २ सय ९३ र युकेमा २१ हजार ९२ को मृत्यु भएको छ ।
वि.सं.२०७७ वैशाख १६ मंगलवार १७:५५ मा प्रकाशित
