काठमाडौं । लोक सेवा आयोगले एक जरुरी सूचना निकालेको छ । आयोगले खरिदार वा सो सरहका पदको ज्येष्ठता र कार्यसम्पदान मूल्याङ्कनद्वारा हुने बढुवा दरखास्त सम्वन्धी सूचना निकालेको हो ।
आयोगबाट गत फागुन २८ गते प्रकाशित राजपत्र अनंकित द्धितीय श्रेणी (अप्राविधिक) खरिदार वा सो सरहका पदको ज्येष्ठता र कार्यसम्पदान मूल्याङ्कनद्वारा हुने बढुवा दरखास्त दिने अन्तिम मिति बैशाख २ गतेसम्म तोकेको थियो ।
कोरोना भाइरस नियन्त्रण तथा रोकथामका लागि सरकारले घोषणा गरेको लकडाउनका कारण केही जिल्लामा कार्यरत कर्मचारीहरु तोकिएको म्यादभित्र सम्बन्धित बढुवा समितिमा दरखास्त बुझाउन असमर्थ भएको भन्दै आयोगमा गुनासो परेको थियो ।
बढुवा सिफारिस सम्वन्धी निर्णय गर्न बाँकी बढुवा समितिहरुले त्यस्ता उम्मेदवारको दरखास्त बैशाख मसान्तसम्म लिने व्यवस्थाा मिलाउन तथा निर्णय गरिसकेका बढुवा समितहरुको हकमा केही गरिरहनु नपर्ने भन्दै सूचना प्रकाशित गरेको छ ।
हेर्नुहोस् सूचना :
वि.सं.२०७७ वैशाख १८ बिहीवार १६:२३ मा प्रकाशित
