काठमाडौं । विश्वभर कोरोना भाइरस (कोभिड १९)बाट जीवन गुमाउनेको संख्या २ लाख ३९ हजार नाघेको छ । कोरोना भाइरसबाट शनिबार बिहान साढे ६ बजेसम्म २ लाख ३९ हजार ४ सय ४८ जनाको मृत्यु भएको विश्व स्वास्थ्य संगठनले जनाएको छ ।
स्वास्थ्य संगठनका अनुसार विश्वमा अझै २० लाख ७८ हजार ९ सय २४ संक्रमित छन् । त्यस मध्ये ५१ हजार ३ सय ५५ जनाको अवस्था गम्भीर छ ।
विश्वमा अहिलेसम्म ३३ लाख ९८ हजार ४ सय ७३ जनालाई कोरोना लागिसकेको छ । त्यसमध्ये १० लाख ८० हजार १ सय १ जना पूर्ण रुपमा निको भएर अस्पतालबाट घर फर्किएका छन् ।
चीनको वुहानबाट शुरु भएको कोरोनाले पछिल्लो समय विश्वकै शक्तिशाली राष्ट अमेरिकालाई सताइरहेको छ । अमेरिकामा कोरोनाबाट शनिबार बिहानसम्म ६५ हजार ७ सय ५३ जनाले जीवन गुमाएका छन् ।
त्यहाँ ९ लाख ३ हजार ७ सय १४ जना संक्रमित द्धन् । संक्रमित मध्ये १६ हजार ४ सय ८१ जनाको अवस्था गम्भीर छ ।
वि.सं.२०७७ वैशाख २० शनिवार ०९:५० मा प्रकाशित