डडेल्धुरा । बैतडीमा शनिबार बिहान क्वारेन्टाइनमा लैजाँदै गर्दा एक वृद्वको मृत्यु भएको छ । भारतीय सीमानाका झुलाघाटबाट उद्धार गरेर ल्याइएका वृद्धको बाटोमा हिँड्दाहिँड्दै मृत्यु भएको हो।
मृत्यु हुनेमा जिल्लाको पुर्चौंडी नगरपालिका ६ मनकालीका ६७ वर्षीय जुने लुहार रहेको जिल्ला प्रहरी कार्यालय बैतडीले जनाएको छ।एक महिनाअघि उपचारका लागि भारतको पिथौरागढ पुगेका लुहार वैशाख १८ गते भारतको पिथौरागढबाट झुलाघाट नाका हुँदै स्वदेश फर्किएका थिए।
उनका अनुसार मृतक लुहारको स्वाब संकलन गरेर कोरोना परीक्षणका लागि धनगढी पठाउने तयारी भइरहेको छ। लुहारसंग आएकाहरुलाई छुट्टै क्वारेन्टाइनमा राख्ने तयारी भएको स्वास्थ्य शाखा प्रमुख कुँवरले बताउनुभयो।
गत वैशाख १८ गते झुलाघाट र धार्चुला नाकाबाट २ हजार ६९५ नेपाली स्वदेश फर्किएका थिए। भारतबाट फर्केका सबैलाई क्वारेन्टाइनमा राखिएको नगरपालिकाले जनाएको छ।
वि.सं.२०७७ वैशाख २० शनिवार १३:०१ मा प्रकाशित