काठमाडौं । लकडाउनलाई खुकुलो बनाउने सरकारको तयारी रहेता पनि काठमडौंलाई तत्कालका लागि ‘हाइरिस्क’मै राखिने भएको छ । सोमबार सिंहदरबारमा बसेको कोरोना रोकथाम तथा न्यूनीकरण गर्न गठित उच्चस्तरीय समिति बैठकले यस विषयमा छलफल गरेको हो ।
काठमाडौं ग्रीन जोन मै परे पनि तत्काल काठमाडौंमा लकडाउन नखुलाउने बैठकमा सहभागि एक मन्त्रिले बताए । अवस्था र सुरक्षा सतकर्ता हेरी अन्य ठाउँलाई खुलाउने सरकारको तयारी रहेको उनको भनाई छ ।
बैठकले गृह मन्त्रालय, अर्थ मन्त्रालय र स्वास्थ्य मन्त्रालयलाई लकडाउनको खाका तयार गर्न निर्देशन दिएको छ । बैठकले मंगलबार समितिमा खाका पेश गर्न ती मन्त्रालयलाई भनेको छ । सोही सुझावको आधारमा मन्त्रिपरिषद् बैठकमा पेश गर्ने बताइएको छ ।
वि.सं.२०७७ वैशाख २२ सोमवार १७:०६ मा प्रकाशित