काठमाडौं । नेपालमा थप ७ जनामा कोरोना भाइरस संक्रमणको पुष्टि भएको छ । यो संगै नेपालमासंक्रमितको संख्या ८२ पुगेको छ।
भेरी अञ्चल अस्पताल नेपालगञ्जको प्रयोगशालामा भएको परीक्षण अनुसार थप ७ जनामा नयाँ पुष्टि भएको स्वास्थ्य तथा जनसंख्या मन्त्रालयले जनाएको छ ।
नेपालगञ्ज उपमहानगरपालिका ८ निवासी वर्ष २२, ३०, ४० का पुरुष र वर्ष ०९, ३२, ३४ र ५५ की महिलामा कोरोना संक्रमण पुष्टि भएको स्वास्थ्य तथा जनसंख्या मन्त्रालयका सह प्रवक्ता डा समिरकुमार अधिकारीले एक विज्ञप्ति मार्फत जानकारी गराउनुभएको छ ।
सातै जनाको अवस्था सामान्य रहेको र उनीहरु स्वास्थ्यकर्मीको निगरानीमा रहेको मन्त्रालयले जनाएको छ ।
वि.सं.२०७७ वैशाख २३ मंगलवार ०८:०१ मा प्रकाशित