काठमाडौं । सघीय संसद्को संयुक्त बैठक सुरु भएको छ । राष्ट्रपति विद्यादेवी भण्डारीले संसद्को संयुक्त बैठकलाई सम्बोधन गरिरहनुभएको छ ।
राष्ट्रपति भण्डारीले देश कोरोना भाइरससँग गम्भीर परिस्थितीसँग जुधिरहेको उल्लेख गर्नुभएको छ । साथै सरकारले चालेको कदममा साथ दिएकोमा सर्वसाधारणलाई धन्यवाद दिनुभयो ।
राष्ट्रपति भण्डारीको सम्बोधन जारी रहेको छ । कोरोना संक्रमण रोकथाम तथा नियन्त्रणका लागि सरकारले ११ चैत ०७६ देखि लकडाउन सुरु गरेयता संघीय संसदमा आज हालसम्मकै ठूलो जमघट भएको छ ।
नीति तथा कार्यक्रम प्रस्तुत गर्दा संसदमा दूरी कायम गरेर सिट व्यवस्थापन गरिएको छ । विगत वर्षजस्तो कूटनीतिक नियोगका प्रतिनिधिहरूलाई बोलाइएको छैन ।
संवैधानिक आयोगबाट पनि अध्यक्षलाई मात्र बोलाइएको छ । पिसिआर विधिबाट कोरोना परीक्षण नगराएका नौ सांसद उपस्थिति भएका छैनन् ।
वि.सं.२०७७ जेठ २ शुक्रवार १६:२४ मा प्रकाशित
