काठमाडौं । राष्ट्रपति विद्यादेवी भण्डारीले २ वर्षको अवधिमै सरकारले गतिलो उपलब्धि हाँसिल गरेको बताउनुभएको छ ।आगामी आर्थिक वर्ष २०७७/७८ का लागि शुक्रबार नीति तथा कार्यक्रम प्रस्तुत गर्दै उहाँले यस्तो बताउनुभएको हो ।
‘सरकारले दुई वर्षको छोटो अवधिमै गतिलो उपलब्धि हाँसिल गरेको छ’, उहाँले भन्नुभयो, ‘सरकारले १४ भन्दा धेरै सूचकमा गतिलो उपलब्धि हाँसिल गरेको छ।
यो कुरा अन्तराष्ट्रिय जगतले पुष्टि गरेका छन्।’ राष्ट्रपति भण्डारीले संघ, प्रदेश र स्थानीय तहका सरकारले क्रियाशील भएर काम गरिरहेको बताउनुभयो ।
‘विकासका योजना कार्यान्वयनमा ल्याइएको छ । कोभिड–१९ को संकटमा परेका उद्योगी व्यवासायीका लागि राहत प्याकेज ल्याएका छौँ’, उहाँले भन्नुभयो, ‘गरिब तथा विपन्नका लागि पनि राहत कार्यक्रम चलाइएको छ।’
वि.सं.२०७७ जेठ २ शुक्रवार १६:३० मा प्रकाशित