काठमाडौं । नेपालमा थप १८ जना कोरोना संक्रमित थपिएका छन । स्वास्थ्य मन्त्रालयका सहप्रवक्ता समिर कुमार अधिकारीका अनुसार सोमबार साँझ थप १८ जना नयाँ संक्रमित थपिएका हुन् ।
धनुषाका २ पुरुष, खोटाङ हलेसीका एक पुरुष, बाँके नरैनापुरका १२ पुरुष, दैलेख आठबिस–१ का एक पुरुष, सुनसरीका एक पुरुष, झापाका एक पुरुष रहेको मन्त्रालयले जनाएको छ ।
योसँगै कोरोना संक्रमितको संख्या ३७५ पुगेको छ । सोमबार मात्रै ७४ जना नयाँ संक्रमित थपिएका छन । सोमबार बिहान र दिउँसो गरी बाँकेमा ४७ जना, रौतहटका ८, बाराका १ जना, मोरङमा १, गुल्मीमा १, धनुषामा १, धादिङमा १, रौतहट १ र दाङमा १ जना कोरोना संक्रमित भएका थिए ।
संक्रमण पुष्टि भएकामध्ये हालसम्म ३६ जना निको भएका छन्। त्यस्तै सिन्धुपाल्चोकमा र बाँकेमा गरी दुई जनाको मृत्यु भएको छ।
वि.सं.२०७७ जेठ ६ मंगलवार ०७:३४ मा प्रकाशित