काठमाडौं । संस्थागत तथा सबै सामुदायिक विद्यालयहरुलाई तिलोत्तमा नगरपालिका, रुपन्देहीले विद्यार्थी भर्ना नगर्न/नगराउन अनुरोध गरेको छ ।
नगरपालिकाले एक सूचना निकाल्दै देशमा लकडाउन कायम रहेको बेलामा कतिपय विद्यालयहरुले विद्यार्थी भर्ना सुरु गर्ने तयारी गरेकाले यस नगरपालिकाबाट अर्को निर्णय नहुँदासम्म भर्ना नगर्न/नगराउन अनुरोध गरेको छ ।
‘नगरपालिकाको यो सूचना विपरीत कुनै पनि विद्यालयले विद्यार्थी भर्ना गराएको पाइएमा प्रचलित कानुनबमोजिम कारवाही हुने नगरपालिकाद्रवारा जारी सूचनामा उल्लेख छ ।’
वि.सं.२०७७ जेठ १८ आइतवार १७:४० मा प्रकाशित
