काठमाडौं । व्यापारीहरुले लामो समयदेखि जारी लकडाउनले जीवनयापनमै समस्या भएको भन्दै धमाधम पसल खोल्न थालेपछि उपत्यकाका तीन वटै जिल्लाका प्रमुख जिल्ला अधिकारी (सिडिओ) हरुको संयुक्त बैठक बसेको छ ।
उद्योगी तथा व्यवसायीहरुले लकडाउन उल्लघंन गर्दै व्यवसाय सञ्चालन गर्न थालेपछि जिल्ला समन्वय समिति काठमाडौंको हलमा आकस्मिक बैठक बसेको हो ।
बैठकमा काठमाडौं, ललितपुर र भक्तपुरका सीडीओसहित सुरक्षा निकाय र स्थानीय तहका पदाधिकारहरुको समेत सहभागिता रहेको जनाइएको छ ।
लकडाउनलाई कसरी व्यवस्थित बनाउने भन्ने विषयमा तीन वटै जिल्ला प्रशासन तथा सुरक्षा निकायको संयुक्त आकस्मिक बैठक बसिरहेको भक्तपुरकी सिडिओ हुमकला पाण्डेले जानकारी दिएकी छिन् ।
लकडाउनले जनजीवन प्रभावित भएको बेला उद्योगी तथा व्यवसायीहरुले उपत्यकामा बिहीबारदेखि पसलहरु खोलेर सञ्चालन गरेका छन् ।
व्यापारीहरुले लामो समयदेखि जारी लकडाउनले जीवनयापनमै समस्या भएको भन्दै धमाधम पसल खुल्ला गरेका छन् ।
वि.सं.२०७७ जेठ २२ बिहीवार १३:०८ मा प्रकाशित