काठमाडौं । नेपाल सरकारका वरिष्ठ ३ जना सहसचिव सचिवमा बढुवा भएका छन् । बिहीबार साँझ बसेको मन्त्रिपरिषद बैठकले सहसचिवहरु गोकर्णमणि दुवाडी, मानबहादुर बिके र विष्णुप्रसाद नेपाललाई सचिवमा बढुवा गरेको हो ।
लोकसेवा आयोगका अध्यक्ष नेतृत्वको सिफारिस समितिले वैसाख ३१ गते उनीहरूको बढुवाका लागि सिफारिस गरेको थियो । बढुवा भएका सचिवहरुको पोस्टिङ हुन बाँकी छ ।
सिफारिसमा दुवाडी पहिलो नम्बरमा, बिके दोस्रो नम्बरमा र नेपाल तेस्रो नम्बरमा परेका थिए । सचिवहरु महेश दाहाल, दीपक सुवेदी र विनोद केसीको अवकाशपछि रिक्त सचिव पदमा उनीहरुको बढुवा भएको हो ।
वि.सं.२०७७ जेठ २३ शुक्रवार १४:५२ मा प्रकाशित