काठमाडौं । नेपाल स्टक एक्सचेञ्ज (नेप्से) मा बिहीवार दुई वित्तीय संस्थाको पौने ३ करोड भन्दा बढि कित्ता शेयर सूचीकृत भएको छ ।
नेप्सेमा प्राइम कमर्सियल बैंक र नेशनल माइक्रोफाइनान्सको २ करोड ८६ लाख १६ हजार ६ सय ७७ दशमलव ५ कित्ता शेयर सूचीकृत भएको हो ।
नेप्सेमा प्राइम कमर्सियल बैंकको कैलाश विकास बैंकलाई प्राप्ति गरेपश्चातको २ करोड ७४ लाख ८५ हजार १५ कित्ता शेयर सूचीकृत भएको हो । प्राइमले कैलाशलाई प्राप्ति गरि गत फागुन २९ गतेदेखि एकीकृत कारोबार गरेको हो ।
त्यस्तै नेशनल माइक्रोफाइनान्सको ७५ प्रतिशत बोनस शेयर पनि बिहीवारनै सूचीकृत भएको छ । कम्पनीले बोनस शेयर वापतको ११ लाख ३१ हजार ६६२ दशमलव ५० कित्ता शेयर सूचीकृत गराएको हो ।
कम्पनीले गत मंसिर २९ गते छैठौं वार्षिक साधारण सभा मार्फत उक्त बोनस शेयर पारित गरेको थियो । पारित गरेको छ महीनापछि कम्पनीले बोनस शेयर सूचीकृत गराएको हो शेयरधनीहरुले आफ्नो हितग्राही खातामा आएपश्चात सूचीकृत भएको उक्त शेयर कारोबार गर्न सक्नेछन् ।
वि.सं.२०७७ असार ४ बिहीवार १९:४३ मा प्रकाशित
