काठमाडौं । काठमाडौं उपत्यकामा कोरोना संक्रमित थपिने क्रम बढ्दो क्रममा छ । आइतवार ललितपुरकी एक महिलामा कोरोना पुष्टि भएको छ ।
स्वास्थ्य तथा जनसंख्या मन्त्रालयको नियमित प्रेस ब्रिफिङमा मन्त्रालयका प्रवक्ता डा. जागेश्वर गौतमले ललितपुरकी एक महिलामा कोरोना पुष्टि भएको बताए ।
प्रवक्ता गौतमका अनुसार शुक्रबारज ट्रपिकल तथा सरुवा रोग अस्पतालको प्रयोगशालामा गरिएको परीक्षणमा ललितपुरकी एक महिलाको पीसीआर रिपोर्ट पोजिटिभ आएको हो।
पछिल्लो २४ घण्टामा ४२१ जनामा कोरोना संक्रमण पुष्टि भएको छ। योसँगै नेपालमा कोरोना संक्रमितको संख्या ९ हजार २९ पुगेको छ ।
वि.सं.२०७७ असार ७ आइतवार १६:३३ मा प्रकाशित