काठमाडौं । मुगुका एक नगर प्रमुखमाथि खुर्सानीको धुलो प्रहार भएको छ । छायाँनाथ रारा नगरपालिकाका नगरप्रमुख हरीजंग शाहीमाथि असन्तुष्ट पक्षले खुर्सानीको धुलो प्रहार गरेका हुन् ।
बुधबार नगरपालिकाको सातौँ नगरसभा उद्घाटन कार्यक्रम भइरहेको समयमा केहीले नाराबाजी गर्दै खुर्सानीको धुलो प्रहार गरेको जनाइएको छ । प्रशार गरेको खुर्सानीको धुलो सुरक्षाकर्मी र कर्मचारीको आँखामा पनि परेको बताइएको छ ।
खुर्सानीको धुलो फालेको भन्दै नगर कार्यपालिकाका सदस्य कर्ण कुलाललाई प्रहरीले नियन्त्रणमा लिएको जनाइएको छ ।
वि.सं.२०७७ असार ११ बिहीवार १२:४३ मा प्रकाशित
