काठमाडौं । सोमवार नेप्से कारोबार भएको पहिलो घण्टामा १ दशमलव ८८ अंकले बढेको छ । १ हजार २६५ दशमलव ४६ विन्दुबाट शुरु भएको नेप्से कारोबारको पहिलो घण्टामा शून्य दशमलव १५ प्रतिशत बढेर १ हजार २६७ दशमलव ३३ विन्दुमा पुगेको छ ।
यस अवधिसम्म कारोबारमा आएका १२ समूहको परिसूचक मध्ये व्यापार ममूहको परिसूचक स्थिर रहेको छ । विकास बैंक, निर्जीवन बीमा, उत्पादन तथा प्रशोधन, अन्य र बीमा समूहको परिसूचक बढेको छ भने बाँकी ६ समूहको परिसूचक घटेको छ ।
कारोबारको पहिलो घण्टासम्म १३३ ओटा कम्पनीको रू. १३ करोड ४८ लाख बराबरको शेयर कारोबार भएको छ । यस अवधिसम्म नेपाल पुनर्बीमा कम्पनीको सर्वाधिक कारोबार भएको छ । उक्त कम्पनीको रू. ४ करोड ८५ लाख बराबरको शेयर कारोबार भएको छ ।
वि.सं.२०७७ असार २२ सोमवार १२:०३ मा प्रकाशित
