काठमाडौं । सेवा आयोगले वार्षिक कार्यतालिका सार्वजनिक गरेको छ । आयोगले बुधवार गोरखापत्र दैनिकमा एक सुचना प्रकाशन गर्दै सरकारी निकायका विभिन्न पदपूर्तिका लागि विज्ञापन गर्ने लगायत कामकारवाहीको वार्षिक कार्यतालिका सार्वजनिक गरेको हो ।
आयोगले निजामती सेवा, सुरक्षा र संगठित संस्थाका विभिन्न पदको पदपूर्तिसहितको कार्यतालिका सार्वजनिक गरेका सूचनामा उल्लेख छ ।आगामी आर्थिक वर्ष २०७७/०७८ का लागि निर्धारित कार्यतालिकामा निजामती सेवाका पदमा असोजको अन्तिम बुधवारदेखि विज्ञापन आह्वान हुने सूचनामा जनाइएको छ।
कोरोना भाइरस संक्रमणको महामारीका कारण भएको लकडाउनले प्रभावित भएका कार्यतालिकालाई समेत लोक सेवाले अगाडि बढाउने कार्यतालिकामा समावेश छ ।
नयाँ वार्षिक कार्यतालिका हेर्नका लागि यहाँ क्लिक गर्नुहोस् ।
वि.सं.२०७७ असार ३१ बुधवार ०९:१५ मा प्रकाशित
