काठमाडौं । कुमारी बैंकले प्राप्ति गरेको साविकको देवः विकास बैंकको सम्पूर्ण ग्राहहरुको खाता नम्बर परिवर्तन भएको छ । बैंकले बिहीवार सूचना जारी गरि एकीकृत कारोबार पश्चात देवः विकास बैंकका ग्राहकहरुको खाता नम्वर परिवर्तन भएको जानकारी दिएको हो ।
सम्पूर्ण ग्राहकहरुलाई आफ्नो परिवर्तित खाता नम्बरको जानकारी तथा चेकबुक बुझिलिन तथा यथावत कारोबार, एटीएम कार्ड, डिजिटल बैंकिङ सेवा लगाएतका सेवा सुविधा प्रयोग गर्न पायक पर्ने स्थानमा रहेको कुमारी बैंक लिमिटेडको शाखा कार्यालयमा सम्पर्क गर्न भनिएको छ । कुमारी बैंक र देवः विकास बैंकले असार २८ गतेदेखि एकीकृत कारोबार शुरु गरेका हुन् ।
वि.सं.२०७७ साउन १ बिहीवार १३:३५ मा प्रकाशित
