काठमाडौं । आजैदेखि लागू हुनेगरि नेपाल बंगलादेश बैंक लिमिटेडले नयाँ व्याजदर सार्वजनिक गरेको छ । बैंकले सार्वजनिक गरेको नयाँ ब्याजदर अनुसार बचततर्फको ब्याजदर ०.५ प्रतिशतदेखि १ प्रतिशतसम्म घटाएको छ ।
जस अनुसार अब निक्षेपकर्ताले साधारण बचततर्फ न्यूनतम ३.५० प्रतिशतदेखि अधिकतम ५ प्रतिशत ब्याज पाउने बैंकले जनाएको छ ।त्यसैगरि बैंकले मुद्दती निक्षेपको व्याज पनि १ प्रतिशतले घटाएको छ । अब बंगलादेश बैंकका मुद्दती निक्षेपकर्ताले ७.२५ प्रतिशत मात्र व्याज पाउनेछन्।
आधा प्रतिशतले घटेको एनबि विशेष मुद्दतीको ब्याजदर ७.७५ प्रतिशत कायम भएको छ। संस्थागत मुद्दतीको ब्याजदर पनि साढे ६ प्रतिशत कायम भएको छ । संस्थागत मुद्धती निक्षेप नवीकरण गर्दा भने ६.६ प्रतिशत व्याज दिने बैंकले जनाएको छ।
बैंकको आधार ब्याजदर ९.८९ प्रतिशत छ । यसअनुसार बैंकले आधार ब्याजदरमा कर्जाको प्रकार हेरि न्यूनतम १ प्रतिशतदेखि अधिकतम ५ प्रतिशत प्रिमियम थप गरेर कर्जा प्रवाह गर्ने भएको छ ।
बैंकले एक्सपोर्ट फाइनान्समा आधार ब्याजदरमा १.५ देखि ४ प्रतिशत, हायर पर्चेजमा ३ देखि पाँच प्रतिशत, होम लोनमा २ देखि ५ प्रतिशत, सुन कर्जामा ३ देखि ५ प्रतिशत प्रिमियम थप गरि ऋण प्रवाह गर्ने जनाएको छ ।
बैंकले घटाएको ब्याजदर शुक्रबारबाटै लागू हुनेछ । मद्दती निक्षेपको ब्याजदरमा भने नयाँ बचत खातामा तत्कालै लागू हुनेछ भने यसअघि नै मद्दती निक्षेपमा रहेकाको भने नवीकरण गर्ने बेलामा मात्रै नयाँ ब्याजदर लागू हुनेछ ।
वि.सं.२०७७ साउन २ शुक्रवार १२:३३ मा प्रकाशित
