काठमाडौं । कृषि क्षेत्रमा लगानी बढाउन वाणिज्य बैंकहरुले असार २०८० सम्म कुल ऋण लगानीको १५ प्रतिशत कर्जा कृषिमा लगानी गर्नुपर्ने भएको छ ।
नेपाल राष्ट्र बैंकहरुले २ साउन (शुक्रबार) जारी गरेको चालू आर्थिक वर्ष २०७७/०७८ को मौद्रिक नीतिले कृषिमा गर्ने कर्जाको बाध्यात्मक सीमा तय गरेको हो ।
यसअघि कृषिमा १० प्रतिशत मात्रै ऋण लगानी गर्नुपर्ने बाध्यकारी व्यवस्था थियो । मौद्रिक नीतिले थप ५ प्रतिशत लगानी बढाउनुका साथै कृषिमा लगानीको दायरा बनाउने प्रयास पनि गरेको छ । यसका साथै मौद्रिक नीतिले किसान क्रेडिट कार्ड लागू गर्ने विषय गम्भीरताका साथ लागू गर्ने उल्लेख गरेको छ।
वि.सं.२०७७ साउन २ शुक्रवार १५:५३ मा प्रकाशित