back
NMB ad

सबै सार्वजनिक सवारी बिहीबारदेखि चल्ने

Kumari bank ad

काठमाडौँ । चैत ११ देखि बन्द रहेका सार्वजनिक सवारी बिहीबारबाट सञ्चालनमा आउन लागेका छन् । यातायात व्यवस्था विभागसँग सोमबार भएको छलफलपछि व्यवसायी गाडी चलाउन तयार भएका हुन् ।

‘गाडी चलाउन व्यवसायी तयार छन्,’ विभागका महानिर्देशक गोगनबहादुर हमालले भने, ‘बिहीबारबाट आवश्यकताअनुसार गाडी चल्दै जानेछन ।’

छलफलमा चालक एवं सहचालकको कोरोना बिमाको प्रिमियम सरकार र यातायात व्यवसायीले आधाआधा तिर्न पहल गर्ने सहमति भएको छ । स्वास्थ्य सुरक्षाका मापदण्ड सम्बन्धित व्यवसायीले आफैं व्यवस्था गर्ने भनिएको छ ।

गाडीमा सेनिटाइजरको व्यवस्था व्यवसायी आफैंले गर्नुपर्नेछ । साथै कोरोनाका कारण यातायात श्रमिकको मृत्यु भए आश्रित परिवारलाई क्षतिपूर्तिका लागि सरकारका तर्फबाट कोष स्थापना गर्न विभागले सम्बन्धित मन्त्रालयमा सिफारिस गर्ने निर्णय भएको छ । यातायात श्रमिकका लागि आवश्यक स्वास्थ्य सामग्री मास्क, सेनिटाइजर, पन्जा र पीपीई सम्बन्धित व्यवसायीले उपलब्ध गराउनुपर्नेछ ।

‘यात्रु चढ्ने र झर्ने ठाउँमा कसरी स्वास्थ्य सावधानी अपनाउने भनेर स्थानीय तहसँग समन्वय गर्दै छौं,’ महानिर्देशक हमालले भने, ‘ती ठाउँ सेनिटाइजिङ गर्न काठमाडौं महानगरपालिकाले तयारी थालिसकेको छ, अन्य महानगरपालिका र नगरपालिकाले पनि तयारी गर्दै छन् ।’ लामा दूरीका सवारी चलाउने व्यवस्था गर्न पनि व्यवसायीको माग छ । ‘यसबारे छलफल गरेर माथिल्लो निकायमा पु¥याउने भनेका छौं,’ उनले भने, ‘जोर–बिजोर प्रणालीबाट सवारी चलाउने कुरा पनि उठेका छन्, यो खासै ठूलो कुरा भएन, यसमा छलफल गरेर अघि बढ्न सकिनेछ ।’ यात्रुको सुविधाका लागि गाडी चलाइने उनले बताए ।

यता यातायात व्यवसायी राष्ट्रिय महासंघले भने मंगलबार यातायात व्यवसायीबीच छलफल गरेर मात्र सवारी सञ्चालनबारे निर्णय गरिने जनाएको छ । ‘विभागले बिहीबारबाट गाडी चलाउन भनेको छ,’ महासंघका महासचिव सरोज सिटौलाले भने, ‘७ गतेसम्म लकडाउन नै छ, त्यसपछि लकडाउन के हुन्छ, त्यहीअनुसार अघि बढ्छौं ।’ महासंघ र तीनवटा मजदुर ट्रेड युनियनसहित बनेको कार्यदलको बैठक बसेर गाडी चलाउने मिति तोकिने उनले जानकारी दिए ।

‘हामीले जोर–बिजोर प्रणालीमा गाडी चलाउने गरी विभागमा प्रस्ताव गरेका छौं,’ उनले भने, ‘अहिलेको अवस्थामा धेरै भीडभाड गरेर पनि भएन, जोर–बिजोर प्रणालीमार्फत गाडी चलाउन तयार छौं ।’ सार्वजनिक यातायात केन्द्रीय महासंघले गाडी चलाउने निर्णय गरेसँगै सोमबार अघिपछिको तुलनामा उपत्यकामा सवारी चाप बढी देखिए । ‘उपत्यकामा सोमबार ३० प्रतिशत सार्वजनिक सवारी गुडे,’ महानगरीय ट्राफिक प्रहरी महाशाखा प्रमुख एसएसपी भीमप्रसाद ढकालले भने, ‘सामाजिक दूरी कायम गरेर गाडी चलाएका छन्रछैनन् भनेर अनिवार्य रूपमा हेर्ने गरेका छौं ।’

सामाजिक दूरी कायम नगर्ने, जोर–बिजोर प्रणाली नमान्ने र सम्झाउँदा पनि अटेर गर्ने सवारीलाई कारबाही गर्ने गरिएको उनले जानकारी दिए । सरकारले गत असार २६ बाट सार्वजनिक सवारी जिल्लाभित्र सञ्चालन गर्ने निर्णय गरेको थियो ।

अहिले उपत्यकामा बिस्तारै सवारी चाप बढ्दै गएको छ । जिल्लाजिल्लामा पनि सामाजिक दूरी कायम गरी स्वास्थ्य सावधानी अपनाउँदै सवारी चल्न थालेका छन् ।-कान्तिपुर दैनिकबाट

वि.सं.२०७७ साउन ६ मंगलवार ०९:१२ मा प्रकाशित

You can share this post!

मेक इन नेपाल : स्वदेशी सम्मेलन ३५ बुँदे घोषणापत्र जारी गर्दै सम्पन्न

मेक इन नेपाल : स्वदेशी सम्मेलन ३५ बुँदे घोषणापत्र जारी गर्दै सम्पन्न

वि.सं.२०८१ वैशाख २५ मंगलवार १७:३५

काठमाडौं । मेक इन नेपाल – स्वदेशी सम्मेलन ३५ बुँदे...

सनराइज होल्डिङ्सलाई एलएस क्यापिटलले कर्पाेरेट एडभाइजरी सेवा दिने

सनराइज होल्डिङ्सलाई एलएस क्यापिटलले कर्पाेरेट एडभाइजरी सेवा दिने

वि.सं.२०८१ वैशाख २५ मंगलवार १७:२३

काठमाडौं । एलएस क्यापिटल र सनराइज होल्डिङ्स प्राइभेट लिमिटेड बीच...

सानिमा बैंकका ग्राहकहरुलाई स्काइवाक टावरमा छुट

सानिमा बैंकका ग्राहकहरुलाई स्काइवाक टावरमा छुट

वि.सं.२०८१ वैशाख २५ मंगलवार १७:०८

काठमाडौं । सानिमा बैंकले आफ्ना ग्राहकहरुलाई डिजिटल बैंकिङ्गका माध्यमहरु प्रयोग...

सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी   

सहकारीले बैङ्कभन्दा ठूलो कारोबार गर्दा समस्या आयो : मन्त्री अधिकारी   

वि.सं.२०८१ वैशाख २५ मंगलवार १६:५९

काठमाडौँ, २५ वैशाख : भूमि व्यवस्था, सहकारी तथा गरिबी निवारणमन्त्री...

सेयर बजारमा सामान्य सुधार, कारोबार रकम घट्यो

सेयर बजारमा सामान्य सुधार, कारोबार रकम घट्यो

वि.सं.२०८१ वैशाख २५ मंगलवार १५:१८

काठमाडौं । साताको तेस्रो कारोबार दिन सेयर बजारमा सामान्य सुधार...

लघुवित्त कम्पनीहरुको सेयर मूल्यमा उछाल, कुनको कति बढ्यो ?

लघुवित्त कम्पनीहरुको सेयर मूल्यमा उछाल, कुनको कति बढ्यो ?

वि.सं.२०८१ वैशाख २५ मंगलवार १५:१०

काठमाडौं । साताको तेस्रो कारोबार दिन सेयर बजारमा सामान्य सुधार...