काठमाडौं । विश्वभर कोरोना भाइरसको संक्रमित संख्या डेढ करोड नाघेको छ । पछिल्लो तथ्यांक अनुसार विश्वभर संक्रमित संख्या एक करोड ५३ लाख ७३ हजार छ सय छ ।
कुल संक्रमितमध्ये छ लाख ३० हजार एक सयजनाको मृत्यु भइसकेको छ । संक्रमितमध्ये ९३ लाख ४९ हजारलाई निको भएको छ । सबैभन्दा बढी अमेरिकामा ४१ लाख संक्रमित छन् । जसमध्ये एक लाख ४६ हजारको मृत्यु भएको छ ।
ब्राजिलमा २२ लाख ३१ हजार संक्रमितमध्ये ८२ हजारको मृत्यु भएको छ । भारतमा १२ लाख ३९ हजार संक्रमितमध्ये २९ हजार ८ सय जनाको मृत्यु भएको छ ।
रुसमा ७ लाख ८९ हजार संक्रमितमध्ये १२ हजार ७ सयको मृत्यु भइसकेको छ । दक्षिण अफ्रिकामा ३ लाख ९४ हजार संक्रमितमध्ये ५ हजार ९ सयको मृत्यु भएको छ ।
वि.सं.२०७७ साउन ८ बिहीवार ०७:५५ मा प्रकाशित