काठमाडौं । राष्ट्रिय ध्वजावाहक नेपाल वायु सेवा निगमले जहाज खरिदका लागि लिएको ऋणको साँवा तथा ब्याज तिर्नसमेत नसक्ने अवस्थामा पुगेको जनाएको छ ।
कोभिड१९ का कारण आन्तरिक तथा अन्तर्राष्ट्रिय उडानबाट हुने आम्दानी पनि घटेको र ग्राउन्डह्यान्डलिङ सेवाबाट गर्दै आएको आम्दानी पनि ९० प्रतिशतले घटेपछि आर्थिक संकट उत्पन्न भएको निगमले जनाएको छ। जसका कारण निगमले १ सय ४५ कर्मचारीको करार अवधि नवीकरण नगरेको जनाएको छ।
२ सय २५ जनाको करार अवधि सकिएकोमा १ सय ४५ जनाको थप नगर्ने निर्णय निगम सञ्चालक बोर्डले गरेको निगमले जनाएको छ । करार अवधि नवीकरण नभएपछि करारका कर्मचारी आन्दोलनमा उत्रिएका छन् ।
वि.सं.२०७७ साउन ८ बिहीवार १२:१७ मा प्रकाशित