काठमाडौं । नेपाल नगरपालिका संघले कपिलवस्तुको बाणगंगा नगरपालिकासहित तीन नगरपालिकालाई नेपालका उत्कृष्ट नगरपालिका घोषणा गरेको छ ।
मंगलबार गरिएको घोषणामा सुशासन र सेवा प्रवाहमा कपिलवस्तुको बाणगंगा नगरपालिकालाई उत्कृष्ट नगरपालिका घोषणा गरिएको छ ।त्यस्तै,श्रोत परिचालन र वित्तीय व्यवस्थापनमा पर्बतको फलेबास नगरपालिकालाई उत्कृष्ट नगरपालिका घोषणा गरिएको छ ।
त्यसै गरि योजना, वातावरण र संकटापन्नता धादिङको नीलकण्ठ नगरपालिका उत्कृष्ट नगरपालिका घोषणा गरिएको छ । नेपाल नगरपालिका संघले हरेक बर्ष विभिन्न सूचकहरुका आधारमा विज्ञहरुको सिफारिसमा उत्कृष्ट नगरपालिका घोषणा गर्दै आएको छ ।
वि.सं.२०७७ साउन १३ मंगलवार १२:४६ मा प्रकाशित