काठमाडौं । ग्रीन डेभलपमेण्ट बैंक लिमिटेडले गत आर्थिक वर्षको चौथो त्रैमाससम्ममा रू. २ करोड १३ लाख ३ हजार खुद नाफा गरेको छ ।
साउन २७ गते वित्तीय विवरण सार्वजनिक गरेको उक्त कम्पनीले अघिल्लो वर्षभन्दा गत वर्ष ८१ दशमलव ९९ प्रतिशत बढी खुद नाफा गरेको हो । अघिल्लो वर्ष सो अवधिमा कम्पनीले रू. १ करोड १७ लाख ५ हजार खुद नाफा गरेको थियो ।
हाल रू. ५० करोड चुक्तापूँजी रहेको उक्त कम्पनीको सञ्चालन मुनाफा अघिल्लो वर्षभन्दा ८१ दशमलव ९९ प्रतिशतनै बढी भएको छ । अघिल्लो वर्ष चौथो त्रैमाससम्म रू. १ करोड ६७ लाख २२ हजार सञ्चालन नाफा गरेको उक्त कम्पनीले गत वर्ष सोहि अवधिमा रू. ३ करोड ४ लाख ३३ हजार यो नाफा गरेको हो ।
अघिल्लो वर्षभन्दा कम्पनीको जगेडा कोष रकम ८१ दशमलव ५० प्रतिशत बढी अर्थात् रू. २ करोड ७६ लाख ५८ हजार कायम गरेको छ । २९ प्रतिशत बढी अर्थात् रू. १ अर्ब ३० करोड २८ लाख २५ हजार निक्षेप संकलन गरेको उक्त कम्पनीले १७ दशमलव ७६ प्रतिशत बढी रू. १ अर्ब १४ करोड ६६ लाख ३२ हजार कर्जा प्रवाह गरेको छ ।
कम्पनीको कुल सम्पत्ति रू. १ अर्ब ८८ करोड ६८ लाख २५ हजार रहेको छ भने कुल दायित्व रू. १ अर्ब ३४ करोड ४५ लाख १२ हजार रहेको छ । अघिल्लो वर्ष निष्क्रिय कर्जा ३ दशमलव ८१ रहेकामा गत वर्ष १ दशमलव ८५ प्रतिशतमा झरेको छ ।
वि.सं.२०७७ साउन २७ मंगलवार १४:०० मा प्रकाशित
